ឯកឧត្តម ប្រាក់ ចំរើន ជួបសំណេះសំណាលជាមួយក្រុមការងារចាក់វ៉ាក់សាំងការពារជំងឺកូវីដ១៩ នៃទីចាត់ការបំភ័ន្តអក្ខរៈ ជូនប្រជាពលរដ្ឋ នៅស្រុកអង្គស្នួល ខេត្តកណ្តាល
នាព្រឹកថ្ងៃទី២៦ ខែមេសា ឆ្នាំ២០២២ ឯកឧត្តម ប្រាក់ ចំរើន អនុប្រធានក្រុមសមាជិកព្រឹទ្ធសភាប្រចាំភូមិភាគទី៣ និងជាអនុប្រធានគណៈកម្មការទី៨ព្រឹទ្ធសភា បានអញ្ជើញចុះជួបសំណេះសំណាលជាមួយនឹងក្រុមគ្រូពេទ្យ ក្រុមការងារចាក់វាក់សាំងការពារជំងឺកូវីដ១៩ (ដូសជំរុញ) នៃទីចាត់ការ បំភ័ន្តអក្ខរៈ នៃអគ្គបញ្ជាការដ្ឋានកងយោធពលខេមរភូមិន្ទ
និងពិនិត្យមើលស្ថានភាពបងប្អូនប្រជាពលរដ្ឋដែលមកទទួលការចាក់វាក់សាំងការពារជំងឺកូវីដ១៩ (ដូសជំរុញ) ស្ថិតក្នុងវត្តដំណាក់អំពិល ឃុំដំណាក់អំពិល ស្រុកអង្គស្នួល ខេត្តកណ្តាល។
ក្នុងឱកាសនោះដែរ ឯកឧត្តម ក៏បាន ជំរុញដល់អាជ្ញាធរមានសមត្ថកិច្ចពាក់ព័ន្ធសូមជួយផ្សព្វផ្សាយដល់កម្មករ កម្មការី ប្រជាពលរដ្ឋ ព្រមទាំងកុមារា កុមារីដែលគ្រប់អាយុ សូមមកទទួលការចាក់វ៉ាក់សាំងការពារជំងឺកូវីដ១៩ ទាំងដូសទី១ និងដូសជំរុញឱ្យបានគ្រប់ៗគ្នា ព្រមទាំងបានឧបត្ថម្ភនូវថវិកាមួយចំនួនជូនដល់ក្រុមគ្រូពេទ្យក្រុមការងារចាក់វាក់សាំងការពារជំងឺកូវីដ១៩ (ដូសជំរុញ) នៃទីចាត់ការ បំភ័ន្តអក្ខរៈ នៃអគ្គបញ្ជាការដ្ឋានកងយោធពលខេមរភូមិន្ទ។
ប្រភព៖នាយកដ្ឋានព័ត៌មាន
